摘要：召埋「小法老」狂炸阿美尼亚今晚欧国外J组第5轮赛事，「1哥」意大利作客阿美尼亚。「蓝衣兵团」虽有恩斯治尼因伤退队，但主帅文仙尼手中大把筹码，锋线已有恩莫比尼、比洛迪、费达历高基艾沙争崩头，连转去中超掘...
召埋「小法老」狂炸阿美尼亚
今晚欧国外J组第5轮赛事，「1哥」意大利作客阿美尼亚。「蓝衣兵团」虽有恩斯治尼因伤退队，但主帅文仙尼手中大把筹码，锋线已有恩莫比尼、比洛迪、费达历高基艾沙争崩头，连转去中超掘金嘅「小法老」艾沙拉维都徵召埋，相信边个落场都会抢缰争士哥，阿美尼亚随时半场都顶唔住，捧半场客胜。
意大利无缘上年世盃决赛周，文仙尼临危受命接掌帅印，首要任务係杀入欧国盃决赛周，佢喺球员时代虽然参加过90年世盃，可惜生不逢时，因为意军当年坐拥巴治奥、史基拉斯、维埃里、沙连拿、简路维等前锋，人才过剩，搞到「文哥」成个大赛都坐冷板，势估唔到轮到佢教波，亦要面对「选择困难症」。
意大利头4场欧国外赢晒，共入13球，查实4场都用唔同嘅锋线组合，除咗恩斯治尼之外，基本上冇人一定担正，但今次恩斯治尼都受伤退出，亦剔走有纪律问题嘅摩斯坚恩，但依然有恩莫比尼、比洛迪、艾沙拉维、费达历高基艾沙、贝拿迪斯治等候命，似乎「文哥」仍会採取「模煳策略」，唔会写包单边个正选，等佢哋更搏命争取表现。
阿美尼亚得MK仔担大旗
另一边厢，阿美尼亚续有刚转战意甲嘅「MK仔」米希达利恩担大旗，头4场欧国外取得2胜2负，表现一般，连同之前欧国联在内，近6仗只得1仗冇失波，防线唔多稳阵。睇番意大利头4场欧国外，有3次喺上半场已取得领先优势，加上一众前锋为博上位必定抢缰，半场客胜更值得捧场。
