专家拆局：希腊焗攻大起意国

欧国外J组大战，意大利主场迎战希腊。意大利6战全胜高踞榜首，今仗只要赢波便可取得决赛周入场券；相反希腊今场失分就会提早出局，今场冇退路一定要焗攻，首选中位数2.5球入球大。

意大利赢波即提早出线

意大利于J组一枝独秀，踢完6轮分组赛以全胜姿态带头，场场起码入两球，为提早抢得决赛周入场券，今场势必继续强攻。文仙尼麾下嘅意大利，已经摆脱以往闷气沉沉、稳阵为上嘅保守作风，取而代之係充满朝气嘅进攻足球，全因「蓝衫军」现时中前场好手如云，除有两大前锋恩莫比尼与比洛迪冲锋陷阵，上场因伤缺阵嘅恩斯治尼亦已康复可以候命，加埋今季喺国际米兰表现出众嘅尼高路巴列拿，中前场创造力极有保证。不过意大利近期防线唔算稳阵，对上3场欧国外都有失波，加上中坚基亚连尼重伤长抖，令防线更添隐忧，今场失波一啲都唔奇。

希腊今届欧国外6战仅获1胜2和3负，现得5分排尾二，如果今场赢唔到就可以宣布执包袱，破釜沉舟冇得再守。希腊今届3场欧国外作客除咗0比1输畀冰岛之外，其馀2场都有入波，既然意大利近5场欧国外总入球全开3球或以上，中位数2.5球大盘偏热依然值捧。