专家拆局：罗德兹摆铁桶做朗斯细界

临近国际赛周，今晚赛事特别少，但阿King一样搵到好嘢，重心法乙独脚戏罗德兹于中立场对朗斯。朗斯虽然排名较高，但近期哑火频食白果，今仗在图卢兹巿政球场对上罗德兹，预料闷战居多，入波唔慌多，中位数2.5球入球细玩得过。

今季升班嘅罗德兹，近况认真麻麻，近6仗联赛输4场，而且前锋波利斯马菲斯状态一般，难怪其中4场总入球开2球或以下，今仗遇强会先做好防守。朗斯虽然位居前列，上仗更勇挫「1哥」罗连安特，不过佢哋近3场联赛入得1粒，就係赢罗连安特嗰球，3场全开2球或以下，新加盟嘅前锋苏度卡仍然冇货交，中场加尔坦洛比尔因伤今仗上阵成疑，火力进一步受削弱，係可胜不稳格局，宁捧入球细。

奥厄硬淨受让抵玩

至于德乙卡尔斯鲁厄主场对奥厄，卡军係联赛和波王之一，开季12场和咗6场，比率达5成，而且全部都发生喺近6仗，联赛6连和即係代表佢哋近期唔识赢波，面对近5仗联赛仅1败嘅奥厄，卡军实在欠缺让波本钱，必捧受让嘅奥厄。最后係巴甲，保地花高主场对艾华尔，保地花高近17场联赛赢得3仗，沦落尾4跌入降班区，为护级不容再失，今轮撞正包尾大幡、近7仗联赛全败嘅艾华尔，绝对係抢分好机会，主胜有买趁早。