专家拆局：法国半场大除摩

赢波即出线必丧攻

周五凌晨欧国外H组仲有多场重点赛事，其中法国主场斗摩尔多瓦。小组「2哥」法国呢场赢波就可以攞到决赛周入场券，为免夜长梦多，「高卢鸡」肯定一开波就抢攻，鱼腩分子摩尔多瓦根本招架唔嚟，一于吼实中位数1.5球半场大。

暂以19分高踞H组第2嘅法国，呢场赢波即出线，如果失分的话，就要睇同组土耳其对冰岛嘅战果。不过作为堂堂世盃冠军，球星如云嘅「高卢鸡」，当然唔希望将命运假手于人，呢场虽然冇保罗普巴在阵，不过就有前锋基利安麦巴比伤愈重披国家队战衣，呢位射手踢法够直接，而且同基沙文喺前场夹到熟，对住鱼腩分子摩尔多瓦，求胜心切嘅法国随时一开波就狂数胡，中位数1.5球半场大值博。

土耳其地狱主场恰冰岛

至于同组嘅土耳其今晚喺主场迎战冰岛，土耳其今届表现极具说服力，目前凭对赛成绩压倒法国排榜首，实力毋庸置疑，呢场只要唔输波就可出线。而且土耳其有狂热嘅主场球迷助威，经常可以发挥「地狱主场」威力，今届欧国外4仗主场全胜，作客即屈嘅冰岛想抢分难度唔细，宁愿捧主胜好过。