摘要:水斗水西布朗受让有着数两支联赛仲未开斋嘅球队,今晚英超头场对碰,富咸主场迎战西布朗。呢场「水斗水」边队赢波、开大开细冇路捉,不过单从盘路角度,边队让波都冇着数,一定捧对家。今场让球主客和富咸要让一球,...
水斗水西布朗受让有着数
两支联赛仲未开斋嘅球队,今晚英超头场对碰,富咸主场迎战西布朗。呢场「水斗水」边队赢波、开大开细冇路捉,不过单从盘路角度,边队让波都冇着数,一定捧对家。今场让球主客和富咸要让一球,梗係捧西布朗让球客胜。
富咸主场全败
富咸今季6场联赛未赢过,输咗5场仅和1场,当中3场主场全部输晒。以往富咸喺卡云农舍球场出击,都有一定威力,不过因疫情关係,冇晒球迷入场支持,「弱旅靠主场」呢支歌仔都唱唔到。
同样係升班球队嘅西布朗,一样经历联赛开季6场不胜嘅尴尬局面,不过佢哋演出较有保证,近4场有3场和波抢到分,包括同劲旅车路士踢成3比3,整体表现比富咸好。而且双方近4次交手全部和波,实力明显係半斤八両,西布朗有得受让,变相好抵玩。