摘要:欧霸H组大战,意甲AC米兰主场斗捷克球队布拉格斯巴达。A米今季喺伊巴谦莫域带领下重现劲旅本色,虽然呢位39岁老将今仗未必正选披甲,不过对手布拉格斯巴达未够班,A米就算出副选胜算依然高。「红黑兵团」今届...
欧霸H组大战,意甲AC米兰主场斗捷克球队布拉格斯巴达。A米今季喺伊巴谦莫域带领下重现劲旅本色,虽然呢位39岁老将今仗未必正选披甲,不过对手布拉格斯巴达未够班,A米就算出副选胜算依然高。「红黑兵团」今届4场欧霸有3次半场领先,主W偏热冇肉食,转敲半场主胜好过。
A米上轮联赛主场畀罗马逼和3比3,意甲连胜走势断缆,不过依然喺榜首带头,士气、信心冇受影响。「战神」伊巴谦莫域上场搏足90分钟,今场或会畀佢抖吓,好彩一班副选包括巴谦戴亚斯、达洛治等都有一定战力,A米今届欧霸外围赛及附加赛斗波杜基林特、里奥艾维都係喺「战神」缺阵下顺利过关,今晚主场出击仍可睇高一线。
布拉格斯巴达今非昔比
布拉格斯巴达係夺得捷克顶级联赛冠军次数最多球队(12次),不过最近一次已经係2013/14球季,证明佢哋实力今非昔比,上场分组赛作客里尔有超过半场时间打少一人,结果最终大败1比4,上场领红牌嘅中坚基利积斯今仗要停赛,防线可谓雪上加霜。既然A米今场主W偏热欠分头,可转捧半场主胜。