摘要:「费伦」教头倒戈基辅冇情讲匈牙利球队费伦斯华路士喺G组赛事主场斗基辅戴拿模,教练列布夫成为赛事焦点。呢名乌克兰名将曾经以球员身份9度为基辅戴拿模夺得联赛冠军,转做教练之后,亦喺2014/15及2015...
「费伦」教头倒戈基辅冇情讲
匈牙利球队费伦斯华路士喺G组赛事主场斗基辅戴拿模,教练列布夫成为赛事焦点。呢名乌克兰名将曾经以球员身份9度为基辅戴拿模夺得联赛冠军,转做教练之后,亦喺2014/15及2015/16年球季,两度带领基辅称霸乌超。不过,列布夫话自己会公私分明:「我一直都唔想抽籤抽到乌克兰球会,尤其係基辅戴拿模。基辅为我带嚟好多嘢,我爱呢间球会,但我依家係费伦斯华路士教练,基辅对我嚟讲,就係一个我要打败嘅对手。」