推荐预测：国米睇准先搏「萨」吼半和

国米睇准先搏「萨」吼半和

另一场「死亡B组」关键战，国际米兰主场硬撼萨克达。国米上场开斋重燃出线希望，首要条件係今场一定要赢，不过2哥萨克达两挫皇马唔讲得笑，表现实而不华，佢哋喺欧联对亲意甲球队都先求稳阵，半场和值得捧场。

B组出线形势相当微妙，虽然国米目前排紧包尾，但随住上轮卢卡古梅开二度，作客以3比2击败1哥慕逊加柏后，依家同慕军只係相差3分，若果今场赢波，而另一边皇马对慕逊加柏能分出胜负，国米就可以晋级，战意唔使怀疑。不过佢哋今届5场欧联失9球，刑满嘅中场悍将维达尔又咁啱受伤，另一工兵尼高路巴列拿亦因伤上阵成疑，虽然一定要赢，但为免早段失波打沉士气，预计主帅干地会更加小心，首先加强防守谋定而后动。

萨克达斗意甲兵稳阵行先

乌克兰球队萨克达依家与皇马同得7分，凭对赛较佳位居次席，绝非善男信女，萨克达今场只要赢波，就唔使理皇马对慕逊加柏嘅赛果，肯定进身16强，假如皇马打和慕逊加柏嘅话，萨军和波亦够出线。翻查纪录，呢支乌克兰劲旅唔单止今届双杀皇马，近6次欧联面对意甲球队亦获2胜1和3负，其中5次开半场和，包括今届首循环同国米互交白卷，可见每逢斗意甲兵以稳阵行先。加上今场生死关头，两边都唔敢轻举妄动，半场和不妨追多次。